پىلانىتلار تور بېتى
قۇياش سىستېمىسىنى ئۈچ ئۆلچەملىك مودېل، ھېسابلىغۇچ ۋە سىناق ئارقىلىق ئۇيغۇرچە ئۆگىنىڭ
بۇ قورال نېمە؟
پىلانىتلار تور بېتى (پلانېت) — قۇياش سىستېمىسىنى ئۇيغۇرچە ئۆگىنىش مەركىزى. قۇياش، پلانېتىلار، ئۇلارنىڭ ھەمراھلىرى ۋە ئاستېروئىدلارنى ئۈچ ئۆلچەملىك مودېلدا كۆرۈپ، ھەر بىرىنىڭ چوڭلۇقى، ھەرارىتى ۋە ئوربىتىسى ھەققىدىكى سانلىق مەلۇماتلارنى ئوقۇيالايسىز.
نېمە ئۈچۈن ئىشلىتىلىدۇ؟
ئالەم ھەققىدە ئۇيغۇرچە ماتېرىيال ناھايىتى ئاز. بۇ بەت بالىلار ۋە ئوقۇغۇچىلارنىڭ ئاسترونومىيەنى ئانا تىلىدا، مودېل، ھېسابلىغۇچ ۋە سىناق ئارقىلىق ئۆگىنىشىگە ياردەم بېرىدۇ؛ ئۇلۇغبەگنىڭ سەمەرقەنددىكى رەسەتخانىسى قاتارلىق ئوتتۇرا ئاسىيا ئاسترونومىيە مىراسىنىمۇ تونۇشتۇرىدۇ.
قانداق ئىشلىتىلىدۇ؟
«سەپەر» بېتىدە قۇياش سىستېمىسىنىڭ ئۈچ ئۆلچەملىك مودېلى ئېچىلىدۇ؛ بىر جىسىمنى چېكىپ ئۇنىڭ تەپسىلاتىنى كۆرۈڭ. قوراللار ئارىسىدا باشقا پلانېتىلاردىكى ۋەزنىڭىزنى كۆرسىتىدىغان ۋەزىن ھېسابلىغۇچ، سەپەر ۋاقتى، پلانېتىلارنى سېلىشتۇرۇش، ئاي مودېلى، ئالەم ۋەزىپىلىرى ۋە NASA نىڭ قۇياش پارقىرىشى سانلىق مەلۇماتى بار. «بۈگۈنكى ئاسمان» بولسا ئۈرۈمچى، قەشقەر ياكى ئىستانبۇل قاتارلىق شەھەرلەردە قايسى پلانېتىنىڭ قايسى تەرەپتە كۆرۈنىدىغانلىقىنى كۆرسىتىدۇ.
كىمگە ماس كېلىدۇ؟
ئالەمگە قىزىقىدىغان بالىلار، ئوقۇغۇچىلار، ئوقۇتقۇچىلار ۋە ئاتا-ئانىلار.
باشلاش قەدەملىرى
- باش بەتتىن «سەپەر» نى بېسىپ قۇياش سىستېمىسىنىڭ مودېلىنى ئېچىڭ.
- بىر پلانېتا ياكى ھەمراھنى چېكىپ، چوڭلۇقى، ھەرارىتى ۋە ئوربىتىسىنى ئوقۇڭ.
- ۋەزىن ھېسابلىغۇچ ياكى سەپەر ۋاقتى قاتارلىق قوراللارنى سىناپ بېقىڭ.
- كۈندىلىك سىناقنى ئىشلەپ، بىلىمىڭىزنى تەكشۈرۈڭ.
كۆپ سورىلىدىغان سوئاللار
- كۈندىلىك سىناق قانداق ئىشلەيدۇ؟
- ھەر كۈنى ھەممەيلەنگە ئوخشاش سەككىز سوئال بېرىلىدۇ، سوئاللار تور بەتنىڭ ئۆز سانلىق مەلۇماتلىرىدىن تۈزۈلىدۇ. خالىغانچە مەشىق سىنىقىمۇ بار. ئەڭ يۇقىرى نەتىجىڭىز پەقەت تور كۆرگۈچىڭىزدە ساقلىنىدۇ، ھېسابات ئېچىش كېرەك ئەمەس.
- لاتىن ھەرپلىك ئۇيغۇرچىدا ئوقۇغىلى بولامدۇ؟
- بولىدۇ. ھەر بىر مەزمۇن بېتىنىڭ لاتىن يېزىقىدىكى (ULY) نۇسخىسى /uly ئادرېسىدا بار.