OpenAI نىڭ يېڭى ئەۋلاد مودېللىرى — ئۇيغۇرچە تولۇق قوللانما
GPT-6 Astra — يېڭى ئەۋلاد ئىدراك
2026-يىلى 9-ئاينىڭ 3-كۈنى OpenAI ھازىرغىچە ئەڭ كۈچلۈك مودېلى بولغان GPT-6 Astra نى ئېلان قىلدى. شىركەت رەئىسى Greg Brockman بۇ مودېلنى ئېلان قىلغان چاغدا «AGI دەۋرىگە خۇش كەپسىز» دېگەن سۆزنى ئىشلەتتى — يەنى OpenAI نىڭ ئۆز ئېنىقلىمىسى بويىچە، ئىقتىسادىي قىممىتى بار خىزمەتلەرنىڭ كۆپ قىسمىدا ئىنساندىن ئۈنۈملۈك ئىشلەيدىغان سىستېما بوسۇغىسىغا يېقىنلاشقانلىق دېگەنلىك.
Astra نىڭ ئەڭ چوڭ پەرقى — ئۇ پەقەت سوئالغا جاۋاب بېرىدىغان مودېل ئەمەس، بەلكى كومپيۇتېرنى ئۆزى ئىشلىتىدىغان agent. ھەر بىر پروگراممىغا ئالاھىدە API باغلىنىشى ياسىمىسىڭىزمۇ، ئۇ يۇمشاق دېتالنىڭ كۆرۈنمە يۈزىنى بىۋاسىتە باشقۇرالايدۇ.
قىسقىچە تېخنىكىلىق كۆرسەتكۈچلەر
| كۆرسەتكۈچ | GPT-6 Astra |
| مودېل ID | gpt-6-astra |
| ئېلان قىلىنغان ۋاقتى | 2026-يىلى 9-ئاينىڭ 3-كۈنى |
| Context كۆزنىكى | 1,000,000 token (ئەڭ يۇقىرىسى 1,050,000) |
| ئەڭ كۆپ چىقىرىش | 128,000 token |
| كىرگۈزۈش باھاسى | ھەر 1M token گە 10 دوللار |
| چىقىرىش باھاسى | ھەر 1M token گە 50 دوللار |
| Cache ئوقۇش باھاسى | ھەر 1M token گە 1 دوللار |
| Reasoning effort | xhigh دەرىجىسىگىچە |
| API ئالاھىدىلىكى | max_completion_tokens، reasoning_effort، prompt caching |
| تارقىتىش تەرتىپى | Daybreak (كارخانا) → ChatGPT Plus / Pro / Business / Enterprise → API، AWS، Microsoft Foundry |
نېمە يېڭىلىق قوشۇلدى
كومپيۇتېر ئىشلىتىش (computer use): Astra مەۋجۇت يۇمشاق دېتاللارنىڭ كۆرۈنمە يۈزىنى ئۆزى باشقۇرىدۇ — تور فورمىسى تولدۇرۇش، CRM خاتىرىسىنى يېڭىلاش، كالېندار تەرتىپلەش، تور تەتقىقاتى قىلىش ۋە نەتىجىنى ھۆججەت ياكى ئېلخەت شەكلىدە يېزىش.
كەسپىي پروگراممىلار: Excel جەدۋىلىنى بىر تەرەپ قىلىش، Python notebook دا ئىلمىي سانلىق مەلۇمات تەھلىلى، Power BI، تور بېكەت قۇرۇش ۋە سىناش، KiCad ۋە FreeCAD قاتارلىق ئىنژېنېرلىق پروگراممىلىرىنى ئىشلىتىش، يۇمشاق دېتال قاچىلاش ۋە خاتالىق تۈزىتىش.
تېزلىك: ئوخشاش بىر ۋەزىپىنى GPT-5.6 Sol ئوتتۇرىچە 75 مىنۇتتا تاماملىسا، Astra 40 مىنۇتتا تاماملايدۇ — %47 تېز. Agent خىزمىتىدە ۋاقىت بىۋاسىتە خىراجەت دېگەنلىك، شۇڭا بۇ ساننىڭ ئەمەلىي قىممىتى چوڭ.
ئۇزۇن مۇددەتلىك ۋەزىپە: 1M token لۇق context كۆزنىكى ۋە xhigh دەرىجىلىك reasoning ئارقىلىق كۆپ باسقۇچلۇق agent ئېقىمىنى ئۈزۈلمەي ئېلىپ بارالايدۇ.
ئۆلچەم نەتىجىلىرى (Benchmark)
تۆۋەندىكى نەتىجىلەر OpenAI ئېلان قىلغان رەسمىي سانلار. سېلىشتۇرما ئۈچۈن ئىلگىرىكى باش مودېل GPT-5.6 Sol نىڭ نەتىجىسىمۇ قوشۇلدى.
| ئۆلچەم | GPT-6 Astra | GPT-5.6 Sol |
| ARC-AGI-3 (لوگىكا) | %99.9 | — |
| FrontierMath Tier 4 v2 (ماتېماتىكا) | %97.6 | — |
| DeepSWE v1.1 (يۇمشاق دېتال ئىنژېنېرلىقى) | %74.1 | %72.7 |
| Terminal-Bench 4.0 (agentic كودلاش) | %57.9 | %37.3 |
| OSWorld V2-Offline (كومپيۇتېر ئىشلىتىش) | %72.6 | %65.7 |
| ExploitBench (تور بىخەتەرلىكى) | %100.0 | %78.5 |
| ھەر ۋەزىپىگە كەتكەن ئوتتۇرىچە ۋاقىت | 40 مىنۇت | 75 مىنۇت |
دىققەت: ARC-AGI-3 دىكى %99.9 نەتىجە OpenAI نىڭ ئۆز سىناق شارائىتىدا ئېلىنغان بولۇپ، مۇستەقىل تەشكىلاتنىڭ ئوخشاش شارائىتتا تەكشۈرگەن نەتىجىسى ئەمەس. ھەر قانداق ئۆلچەم نەتىجىسىنى ئۆز ۋەزىپىڭىزدىكى ئەمەلىي سىناق بىلەن دەلىللەش زۆرۈر.
GPT-5.6 ئائىلىسى — Sol، Terra ۋە Luna
2026-يىلى 7-ئاينىڭ 9-كۈنى OpenAI GPT-5.6 نى ChatGPT، Codex ۋە API دا ئومۇمىي ئىشلىتىشكە چىقاردى. بۇ ئائىلىدە سان (5.6) ئەۋلادنى، ئىسىم (Sol، Terra، Luna) بولسا ئىقتىدار دەرىجىسىنى بىلدۈرىدۇ. ھەر بىر دەرىجە ئۆز ئالدىغا يېڭىلىنىپ ماڭىدۇ.
| دەرىجە | ئورنى | كىرگۈزۈش (1M) | چىقىرىش (1M) |
| Sol | ئەڭ قىيىن مەسىلىلەر: مۇرەككەپ كودلاش، بىخەتەرلىك تەتقىقاتى | 5 دوللار | 30 دوللار |
| Terra | كۆپ ھەجىملىك سودا خىزمىتى: خېرىدار مۇلازىمىتى، ئىچكى قوراللار، ھۆججەت تەھلىلى | 2 دوللار | 12 دوللار |
| Luna | تېز ۋە ئەرزان كۈندىلىك خىزمەت: خۇلاسە، لايىھە يېزىش، ئاددىي ئاپتوماتلاشتۇرۇش | 0.20 دوللار | 1.20 دوللار |
2026-يىلى 7-ئاينىڭ 30-كۈنى باھا تۈزىتىلىپ، Luna %80، Terra %20 ئەرزانلاشتى؛ Sol نىڭ باھاسى ئۆزگەرمىدى. ھەر ئۈچ دەرىجىدە چىقىرىش باھاسى كىرگۈزۈشنىڭ 6 ھەسسىسى — شۇڭا جاۋابنى قىسقا تۇتۇش راستىنلا پۇل تېجەيدۇ.
API دا ئىشلىتىش
from openai import OpenAI
client = OpenAI()
response = client.chat.completions.create(
model="gpt-6-astra",
reasoning_effort="high", # low | medium | high | xhigh
max_completion_tokens=4096, # GPT-5 reasoning line: max_tokens ئەمەس
messages=[
{"role": "system", "content": "Sen uyghurche jawab béridighan yardemchi."},
{"role": "user", "content": "Bu CSV ni tehlil qilip xulase yaz."},
],
)
print(response.choices[0].message.content)Prompt caching قوللىنىلىدۇ — قايتا-قايتا ئىشلىتىلىدىغان ئۇزۇن system prompt ياكى ھۆججەت مەزمۇنىنى cache قىلسىڭىز، ئۇ قىسىم 1M token گە 1 دوللاردىن ھېسابلىنىدۇ.
قايسى مودېلنى قاچان ئىشلىتىش
GPT-6 Astra — كۆپ باسقۇچلۇق agent ۋەزىپىسى، كومپيۇتېر ئىشلىتىش، مۇرەككەپ ئىنژېنېرلىق ۋە ئىلمىي تەھلىل. ئەڭ قىممەت، ئەمما ۋاقىت تېجەش ئارقىلىق خىراجەتنى قايتۇرىدۇ.
GPT-5.6 Sol — قىيىن كودلاش ۋە تەتقىقات ۋەزىپىسى، ئەمما Astra نىڭ باھاسى ئېغىر كەلگەندە. كىرگۈزۈش باھاسى Astra نىڭ يېرىمى.
GPT-5.6 Terra — كۈنىگە مىڭلىغان قېتىم ئىشلەيدىغان سودا ئېقىمى: خېرىدار مۇلازىمىتى، ھۆججەت تەھلىلى، ئىچكى قورال.
GPT-5.6 Luna — خۇلاسە، ئۇچۇر تەرتىپلەش، تەرجىمە ئالدىدىكى تازىلاش قاتارلىق ئاددىي، كۆپ ھەجىملىك خىزمەت. باھاسى Sol نىڭ 25 تىن بىرى.
بىخەتەرلىك ۋە دىققەت قىلىدىغان نۇقتىلار
GPT-6 Astra — OpenAI نىڭ Preparedness Framework ىدا تور بىخەتەرلىكى بويىچە «critical» بوسۇغىغا يەتكەن دەپ بەلگىلەنگەن تۇنجى مودېل. يەنى ئۇ ئىنساننىڭ باسقۇچمۇ-باسقۇچ يېتەكچىلىكىسىز ھالدا ياخشى مۇداپىئەلەنگەن سىستېمىلاردىكى تېخى بايقالمىغان بوشلۇقلارنى تېپىش ۋە پايدىلىنىش ئىقتىدارىغا ئىگە. شۇ سەۋەبتىن تارقىتىش ئالدى بىلەن Daybreak دېگەن كارخانا پروگراممىسى ئارقىلىق چەكلىك دائىرىدە باشلاندى ۋە قوشۇمچە مۇداپىئە قاتلىمى قوشۇلدى.
باھا ئەسكەرتىشى: 272K token دىن ئېشىپ كەتكەن سۆزلەشمىلەردە پۈتۈن ئىلتىماسنىڭ كىرگۈزۈش ۋە cache باھاسى 2 ھەسسە، چىقىرىش باھاسى 1.5 ھەسسە ھېسابلىنىدۇ. Fast tier بولسا ئۆلچەملىك باھانىڭ 2 ھەسسىسى.
1M token لۇق context كۆزنەكنى تولۇق تولدۇرۇپ بىر قېتىم چاقىرىش تەخمىنەن 10 دوللار تۇرىدۇ — شۇڭا ئۇزۇن context نى «بار ئىكەن، ئىشلىتەيلى» دەپ ئەمەس، ھەقىقەتەن كېرەك بولغاندا ئىشلىتىش كېرەك.
مەنبەلەر
OpenAI — GPT-6 Astra: A new generation of intelligence — https://openai.com/index/gpt-6-astra/
OpenAI — GPT-5.6: Frontier intelligence that scales with your ambition — https://openai.com/index/gpt-5-6/
OpenAI API — GPT-6 Astra model page — https://developers.openai.com/api/docs/models/gpt-6-astra
VentureBeat — «Welcome to the AGI era»: OpenAI launches GPT-6 Astra
The Decoder — GPT-6 Astra is the first model making OpenAI willing to declare the «AGI era»
تۈزگۈچى: سۈنئىي ئىدراك — idirak.com ئۈچۈن OpenAI مودېللىرى ئۇيغۇرچە قوللانمىسى
GPT-6 Astra · GPT-5.6 Sol · Terra · Luna